Mooi dat d'r zovölle belangstelling is veur cabaret met een Achterhoeks accent.
Moar de gemiddelde leaftied van ons publiek is wel hoge. Woar bunt de jonge luu?
De blagen die d'r ewes bunt vonnen ut namelijk harstikke leuk.
Jammer dat ons mooie dialect alleen maar in verband wordt gebracht met vroeger. As ut oe eigen taal is proat ie toch ok over de dagelijkse dinge. Oaver de politiek, oaver oe computer, ut maakt niet uut woaroaver.
Laoten zien dat ut een taal is die ie oaveral veur kunt gebruuken.
Goeiendag,
Ik bun Erik Knoef. Ik bun al jaoren actief as cabaretier en muzikant en dat allemaol in ons eigen dialect.
Wat he’k zoal edoane en wa doe’k zoal:
In de eerste plaatse bun ik al 20 jaor lid van cabaretgroep Hoe? Zo!. Hiervoor schrief ik teksten en liedjes. Wiele hebt hiermet andacht van radio en televisie ehad. Zo he’w espuld bie Jack Spijkerman in ut programma Spijkers met Koppen en hef ut programma Van Gewest tot Gewest een item aover ons emaakt. Ok ut optreden in de theatertente op “De Zwarte Cross” was een hoogtepunt.
As lid van Theatergroep PLATeau samen met diverse artiesten uut de Achterhoek, waoronder Dinie Hiddink, Willem te Voortwis en Gery Groot Zwaaftink een aantal succesvolle programma’s emaakt aaover ut laeven in ons Achterland.
In mien eentjen ut afgelopen jaor o.a. het culturele gedeelte van de Staring aovonden verzorgd in De Wildenborch.
Een aantal jaoren geleen is d’r een gedichtenbundel van mien hand uut ekommen, “Kotte Riemkes”. Een bundel vol met kotte gedichtjes, wat langere versjes en old Achterhoekse weerspreuken.
Uut al deze onderdelen bunt flarden epikt en verzameld tot een amusant soloprogramma met leuke sketches en liedjes. En dat alles in ons eigen dialect.
Bu’j geïnteresseerd? Nem gerust contact met mien op veur meer informatie.
Dat kan telefonisch
op 06-1250 2718
of per mail op
Ut gedichtenbundeltje "Kotte Riemkes" is nog steeds te verkriegen.
Wil ie ok zo'n buuksken, dan ku'j mien een e-mail sturen en dan kump dat allemaol in orde
Vulkaan
Ik was wel graag een vulkaan, zo heb ik gemerkt.
Fijn op de rugge liggen roken en iedereen zeg: "Kiek, hé werkt"
Meer.
A'j met mensen proat,
Kump ut steeds op utzelfde neer,
Ut is
nooit genog,
Ut mot altied moar meer.
Noe is dat iets dat ik ok niet
regelen kan,
Moar hier he'k d'r alvast een foto van.
Zo af en toe mo'j een schup onder de konte hem'n!