Op koninginnedag spöl ik met Arjan als "Oud en Nieuw" smaans nao ut vogelschieten bie de Herberg in Vorden.
Oud en nieuw steet veur de samenstelling van dit duo, vader en zunne en veur de muziek die wie maakt. Van vrogger tot noe.
Kom ie luustern (en metzingen)
In de "special" oaver veiligheid bie Focuz TV was ik te gast in de uutzending. Een betje metproaten oaver ut onderwerp en samen met mien zunne een lied ezongen da'w speciaal veur disse uutzending hadd'n emaakt. Ut is te zien op www.focuz.tv.
Jammer dat ons mooie dialect alleen maar in verband wordt gebracht met vroeger. As ut oe eigen taal is proat ie toch ok over de dagelijkse dinge. Oaver de politiek, oaver oe computer, ut maakt niet uut woaroaver.
Laoten zien dat ut een taal is die ie oaveral veur kunt gebruuken.
Ik denke en proate in dit dialect. Umdat ik de eerste vief joar van mien leaven niet anders heb eheurd. Ik kan ut in die taal ok oaver alle onderwerpen hebb'n.
A'j andere uutingen in ut dialect bekiekt geet ut zowat altied oaver vrogger. Da's toch raar.
Wat vin ie doar van???
Ut gedichtenbundeltje "Kotte Riemkes" is nog steeds te verkriegen. Un buukske kost €10,--
Wil ie ok zo'n buuksken, dan ku'j mien een e-mail sturen en dan kump dat allemaol in orde.
Vulkaan
Ik was wel graag een vulkaan, zo heb ik gemerkt.
Fijn op de rugge liggen roken en iedereen zeg: "Kiek, hé werkt"
Meer.
A'j met mensen proat,
Kump ut steeds op utzelfde neer,
Ut is
nooit genog,
Ut mot altied moar meer.
Noe is dat iets dat ik ok niet
regelen kan,
Moar hier he'k d'r alvast een foto van.
Zo af en toe mo'j een schup onder de konte hem'n!
Reacties
Ik vin ok dat a'j plat kunt proaten, ie dat niet mot loaten!
Mooi initiatief zo'n site in ut dialect.
der goat niks bom'n dialect proaten. allennig ken ik gain achterhoeks, moar grunnings.